مغربية بريس
القنيطرة ……….قسم الإخبار
تفاعلت ولاية أمن القنيطرة بسرعة وجدية مع فيديو تدار على مواقع التواصل الاجتماعي، كيبان فيه واحد الشخص فالشارع العام وهو حاير مجسم كيشبه لسلاح ناري.

ومباشرة من بعد تداول الفيديو، دخلات المصالح الأمنية على الخط وفتحات أبحاث وتحريات باش تحدد هوية الشخص اللي باين فالمقطع، وهو الشي اللي مكن من تحديد هويتو وتوقيفو زوال اليوم الخميس فاتح أكتوبر 2026.
وحسب المعطيات الأولية ديال البحث، تبين أن المعني بالأمر قاصر عندو 17 سنة، ومنحدر من إحدى دول إفريقيا جنوب الصحراء، كما تبين أن المجسم اللي كان حاير ماشي سلاح ناري حقيقي، وإنما لعبة بلاستيكية على شكل مسدس.
القاصر تم إخضاعو للبحث القضائي تحت إشراف النيابة العامة المختصة، وذلك باش يتم الكشف على جميع الظروف والملابسات المرتبطة بالواقعة، وكذا معرفة الخلفيات الحقيقية وراء حمل وإظهار هاد المجسم فالشارع العام.
هاد الواقعة كتأكد كذلك على سرعة تفاعل المصالح الأمنية مع الفيديوهات والمحتويات اللي كيتداولوها المواطنين على مواقع التواصل الاجتماعي، خصوصاً ملي كتكون مرتبطة بأفعال ممكن تخلق حالة من القلق أو توحي بوجود سلاح فالفضاء العام.
والبحث القضائي مازال متواصل تحت إشراف النيابة العامة المختصة، للكشف عن جميع تفاصيل وملابسات القضية.