القبض على بيدرو اخطر نصاب في المغرب ..نصب على الضحايا بكثر من 15 مليار بالقوالب ديال التسويق الشبكي وتشد مع مرتو فمطار أكادير

مغربية بريس

متابعة خاصة : الراصد

ليلة ديال الثلاثاء تشد أكبر نصاب فالمغرب لي ضرب فلوس صحيحة فقضية ما بات يعرف بمول 17 مليار من خلال التسويق الشبكي حيث قاد هو ومرتو فكرة جهنمية نصبو بيها على الالاف المغاربة من جميع الطبقات الاجتماعية وحتى اجانب.

وحسب بلاغ ولاية امن اكادير فالكوبل كان جاي من تركيا وتشد بعدما تدار ليهم الپوانتاج (التنقيط) فالمطار حيت تبين انهم موضوع مذكرات بحث وطنية وأمر دولي بالقاء القبض عليهم فقضية تتعلق بالنصب على الآلاف .

وقد تم الاحتفاظ بالمشتبه فيهما تحت تدبير الحراسة النظرية رهن إشارة البحث القضائي الذي تجريه المصلحة الولائية للشرطة القضائية بمدينة أكادير، تحت إشراف النيابة العامة المختصة، وذلك للكشف عن جميع ظروف وملابسات وخلفيات هذه القضية، وكذا تحديد كافة الأفعال الإجرامية المنسوبة للمعنيين بالأمر.

شكون هو بدر ؟ وكيفاش بدا الحرفة

بدر 24 عام ولد حي القدس عايش حياة عادية بحال كاع الدراري بحالو لي كايبغيو يعيشو حياة الرفاهية ومتأثرين بفيديوات اندروتيت وداكشي ديال حبيبي كوم تو دبي.

بدر لي معروف بين صحابو فالقهوة ولا البيار لي كايعمر فحي السلام ب اسم بيدرو حتى واحد مغيعرف واش غايولي من بعد صاحب احدى اكبر عمليات النصب فتاريخ المغرب حيث قدر هو و مرتو من خلال استخدام شي عيالات يضربو حصيصة كبيرة قدراتها مصادر كود ب كثر من 15 مليار وكاين لي كايقول انها تجاوزات 17 مليار ، و الضحايا بالالاف من 3000 درهم حتى لملاين الصحيحة .

المهم دابا بيدرو تشد مع مرتو وغايبداو معاه التحقيق، علما انه كان فعدد من الدول كيجول ويصول.

اعجبك المقال؟ يمكنك مشاركته من خلال منصتك المفضلة
اترك تعليقا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد