مغربية بريس
متابعة خاصة ….. قسم الأخبار
في عملية مباغتة، تمكنت السلطات المحلية بالدار البيضاء من مداهمة مستودع تابع لشركة معروفة، بعدما توصلت بمعلومات خطيرة حول تخزين مواد غذائية منتهية الصلاحية وإعادة بيعها بعد تزوير تواريخ الصلاحية بواسطة آلة متطورة. وأسفرت العملية عن اعتقال عدد من العمال وحجز كميات كبيرة من الطماطم المعلبة، العسل، ومواد غذائية أخرى، كانت على وشك التوزيع في الأسواق.
هل منتجات “فايف ستار” المغشوشة وصلات للقنيطرة؟

بعد هذه الفضيحة التي هزت كازا، كاين مخاوف كبيرة من أن هاد المواد الغذائية الفاسدة تكون وصلات لمحلات تجارية بالقنيطرة ومدن أخرى. العديد من التجار فالقنيطرة كيتعاملوا مع شركة “فايف ستار”، والاحتمال كبير أن بعض المنتجات المغشوشة تكون مازالت فالسوق. لهذا، خاص السلطات المحلية بالقنيطرة تتحرك بسرعة وتشن حملات تفتيش صارمة لمحاربة هاد النوع من التلاعب بصحة المستهلكين.
المواطنون خاصهم يبقاو واعيين!

هاد الفضيحة كاتأكد على ضرورة أن المواطنين يتأكدوا مزيان من تواريخ الصلاحية قبل ما يشريو أي منتج معلب، خصوصًا المواد بحال الطماطم المعلبة والعسل، اللي كانت ضمن السلع المغشوشة اللي تحجزات فـ كازا. وأي واحد يشك في جودة المنتوجات خاصو يبلغ السلطات باش يتم اتخاذ الإجراءات اللازمة.

الكرة دابا فملعب سلطات القنيطرة.. واش غادي يتحركوا قبل فوات الأوان؟ الأيام القادمة غادي تكشف الحقيقة!