صـــادم فالقنيطرة… شدّو ستيني متلبّس كيتحرش بطفلة فالغابة ديال الساكنية

مغربية بريس 

منابعة خاصة ……..قسم الأخبار 

 

عرفات مدينة القنيطرة، نهار البارح مع العصر، واقعة خطيرة هزّت الساكنة، بعدما شدّات عناصر شرطة الخيالة راجل فـ الستينات من عمرو، متلبّس وهو كيتحرش بطفلة عندها تقريبًا 13 عام، وسط المنتزه الغابوي اللي كاين فـ منطقة الساكنية.

حسب مصادر موثوقة، البوليسي اللي كان فوق الخيل شاف شي تحركات مشبوهة حدا منبر المصلى، وملي قرّب، لقا الراجل جالس مع البنت فواحد الوضعية اللي خلاتو يشك. دخل عليه ولقاه فحالة تلبّس.

التحقيقات الأوّلية بيّنت أن الراجل جبد البنت من حي العلامة حتى للغابة، فواحد السيناريو خايب، باش يدير فيها داك الشي الشنيع، ولكن الحمد لله البوليس تدخّل فـ الوقت المناسب قبل ما يتفاقم الوضع.

من بعد، شدّوه وسلّموه للشرطة القضائية اللي بدات التحقيق بتعليمات من النيابة العامة، والوكيل العام أمر باعتقالو وفتح بحث معمّق، حيث كاين احتمال يكون دار نفس الأفعال من قبل مع ضحايا آخرين.

فالمقابل، الطفلة تم نقلها باش تستافد من الرعاية النفسية والطبية، وبداو الإجراءات اللازمة لحمايتها ومواكبتها.

نداء لكل الآباء والأمهات: “حضّيو وليداتكم!”

هاد الحادثة كتخلينا نرجعو نطرحو سؤال كبير: فين الأمان لأولادنا؟ واش الغابة والفضاءات العمومية ما بقاتش بلايص آمنة؟ خاص التوعية، المراقبة، وتطبيق القانون بصرامة مع بحال هاد الذئاب البشرية.

القنيطرة خاصها تكون مدينة آمنة للأطفال، وكلنا مسؤولين.

اعجبك المقال؟ يمكنك مشاركته من خلال منصتك المفضلة
اترك تعليقا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد