مغربية بريس
متابعة….. خاصة……قسم
القائدة فاطمة السلامي ما كترتاحش، ديما كدور فالنفوذ الترابي ديال الملحقة الإدارية 16 بالقنيطرة، كتراقب ميدان التعمير وكتسد الطريق على أي واحد باغي يبني بلا رخصة. قبل ما دير أي حملة لتحرير الملك العمومي، كتعتمد على دراسة ميدانية باش التدخل يكون ناجح ومبني على معطيات دقيقة.
ماشي غير البناء العشوائي اللي كتشرف عليه، القائدة كتراقب حتى الرخص التجارية ديال المحلات والمطاعم، وكتقوم بعمليات تفتيش مستمرة على المستودعات السرية اللي كيتخزن فيها السلع بلا ترخيص.
وخا كتعطي الأولوية للتعاون مع الجمعيات، كتتعامل غير مع الجمعيات الجادة اللي عندها وصل الإيداع النهائي، وما كتعطيش الاعتبار للجمعيات العشوائية اللي كتحاول تركب على الموجة. وزيد على هادشي، كتسهر على إصلاح الملحقة الإدارية، وهي مبادرة اللي تكلفات بها عمالة القنيطرة باش يحسنوا الخدمات للمواطنين.
القائدة فاطمة السلامي كتكون بالزي الرسمي فحملات تحرير الملك العمومي، وبالزي المدني فعمليات المراقبة، حيت بغات تضمن أن كلشي غادي بالاحترام ديال القانون. زيادة على هادشي، كتركز على تنظيف محيط الأوطوروت والشريط الغابوي بحي الوفاء، في إطار الحفاظ على البيئة والمنظر العام ديال المدينة.
داخل مكتبها فالملحقة، القائدة السلامي ديمة حاضرة، العين مفتوحة، وما كاين لا تهاون لا لعب. واللي زوين فيها، واللي كيشهد عليه الجميع، هو أنها نظيفة اليدين، خدامة بضمير، والمصلحة العامة عندها فوق من كلشي.